Како да споделите контакт од iPhone
Овој краток водич е референтна алатка што ќе ви помогне да го освежите знаењето или да го вежбате она што сте го научиле на онлајн видео курсот „Како да споделите контакт од iPhone“ (How to share a contact from an iPhone).
Чекор по чекор
Можете да го споделите контактот од вашиот iPhone на друг телефон преку текстуална или SMS порака следејќи ги следните чекори:
- На почетниот екран Home допрете го симболот Phone (Телефон) за да ја отворите апликацијата.
- Допрете го симболот Contacts (Контакти) на дното од екранот.
- Од листата на контакти, пронајдете ја личноста чии податоци сакате да ги споделите и допрете го нејзиното име.
- На картичката со податоци за контакт што ќе се отвори, допрете Share Contact (Сподели контакт).
- Проверете ги деталите што сакате да ги споделите и потоа допрете Done (Готово).
- На менито Share (Сподели) што ќе се појави, допрете го симболот Messages (Пораки).
- Се отвора апликацијата Пораки, прикажувајќи ги деталите за контакт што сакате да ги споделите.
- Можете да додадете примател со допирање на знакот плус (+) и пребарување на вашата листа со контакти или со внесување нов број во полето To (До). Исто така можете да почнете да го пишувате името или бројот на зачуван контакт, за да видите предлози.
- Допрете го името на лицето со кое сакате да го споделите контактот.
- Се прикажува порака со името на примателот и деталите за контакт, а можете да ја допрете стрелката Send (Испрати) за да ја споделите.