Што е „Passkey“?
Овој краток водич е референтна алатка која ќе ви помогне да го обновите вашето знаење или да го вежбате она што сте го научиле во онлајн видео-курсот Што е „Passkey?“.
Лозинки наспроти „passkeys“
Лозинките може да бидат тешки за паметење и пишување, а може да бидат украдени или ненамерно откриени.
„Passkeys“ (безбедносни клучеви) се побезбеден начин да се најавите на вашите онлајн сметки. Наместо да пишувате лозинка, ја користите вградената безбедност на вашиот уред - како што е вашиот отпечаток од прст, идентификација на лице или PIN - за да потврдите дека навистина сте вие.
Како функционираат „passkeys“
„Passkey“ ја заменува вашата лозинка со уникатен дигитален клуч што вашиот уред го создава и безбедно го чува.
Кога се најавувате на веб-страница или апликација што користи „passkeys“:
- Веб-страницата го проверува зачуваниот „passkey“ на вашиот уред наместо да бара лозинка.
- Вашиот „passkey“ никогаш не го напушта вашиот телефон, таблет или компјутер, така што не може да биде украден или ненамерно откриен.
- Вашиот отпечаток од прст, идентификација на лице или PIN потврдува дека сте сопственик на тој „passkey“.
„Passkeys“ работат на повеќето телефони, таблети и компјутери.
За да користите „passkey“, на вашиот уред мора да имате поставено отклучување со PIN, отпечаток од прст или со препознавање на лице.
„Passkeys“ може да се синхронизираат на сите уреди користејќи Apple Keychain, Google Password Manager или некои менаџери за лозинки.
Можете да направите резервна копија на вашите „passkeys“ во „облакот“ (на пример, iCloud или вашата сметка на Google) за да можат да се вратат ако купите нов уред.
Голем број големи компании и владини служби — како што се myGov, Apple, Microsoft, eBay, PayPal и некои банки — нудат „passkeys“ како претпочитана опција за најавување.