Затворање на некористени веб-страници на iPhone
Овој краток водич е референтна алатка што ќе ви помогне да го обновите вашето знаење или да го практикувате она што сте го научиле на онлајн видео курсот „Затворање на некористени веб-страници на iPhone“ (Closing unused websites on an iPhone). Во него се објаснува како да пронајдете отворени веб-страници во вашиот прелистувач и да ги затворите оние што повеќе не ги користите.
За табовите (јазичиња) на веб-страниците
Кога прелистувате на интернет на вашиот iPhone, секоја веб-страница се отвора во свој таб, слично на страниците во книга.
Затворањето на веб-страниците што не ги користите може да му помогне на вашиот прелистувач да работи непречено и на вашиот телефон да работи најдобро.
Наоѓање и затворање веб-страници
- На почетниот екран (Home screen), допрете на симболот на апликацијата Safari за да го отворите веб-прелистувачот на вашиот телефон. Safari е инсталиран на сите iPhone уреди и изгледа како син компас.
- Пронајдете го симболот Tabs (Табови). Изгледа како два квадрати што се преклопуваат.
- Во зависност од моделот на вашиот iPhone, симболот може да се појави во долниот десен дел од екранот или во менито More (Повеќе), кое изгледа како три вертикални точки.
- Допрете го симболот Tabs или менито More проследено со All Tabs (Сите табови).
- Ќе се појави мрежа со сликички. Секоја сликичка претставува отворена веб-страница на вашиот телефон.
- Долу десно се наоѓа син симбол со знак за штиклирање, зборот Tabs и број на веб-страници што се моментално отворени.
- За да затворите една веб-страница, допрете на X во аголот од сликичката за да ја затворите.
- За да ги затворите сите отворени веб-страници одеднаш, допрете и држете со прстот на синиот симбол со знак за штиклирање додека не се појави мени.
- Допрете на Close All Tabs (Затворете ги сите табови), а потоа повторно допрете на Close All Tabs за да потврдите.
- Ќе се прикаже почетната страница на Safari.