Вовед во X (порано познат како Twitter)
Овој краток водич е референтна алатка што ќе ви помогне да го освежите знаењето или да го вежбате она што сте го научиле на онлајн курсот „Вовед во X (порано познат како Twitter)“ (Introduction to X (formerly known as Twitter)), вклучувајќи:
- Како да креирате X сметка
- како да ги контролирате поставките за приватност
- како да креирате објава (post).
Што е X?
X (порано познат како Twitter) е една од најкористените мрежи на социјални медиуми во светот. Премисата на X е едноставна:
- Корисниците ги споделуваат своите мисли со нивните следбеници преку фрагменти од текст наречени објави (posts).
- Објавите можат да имаат максимум 280 знаци и можат да бидат текст, фотографии или кратки видеа.
- Објавата на корисник на X може да ја видат други корисници кои го следат тоа лице.
- Објавата се појавува на почетната страница Home на X на секој следбеник, позната и како нивен feed (прилог).
- Корисниците можат да стават „лајк“ на објава, покажувајќи благодарност со кликнување на симбол во облик на срце под неа.
- Или можат да одговорат (Reply), со коментирање на нечија објава.
Како да креирате X сметка
X сметка може да креирате користејќи веб-прелистувач (web browser) на вашиот компјутер или користејќи ја официјалната X апликација за вашиот мобилен уред. Подолу се наведени чекорите за користење на мобилен уред, но креирањето сметка на компјутер е слично:
- Преземете ја и инсталирајте апликацијата X од официјалната продавница за апликации (app store) на вашиот мобилен уред.
- Отворете ја апликацијата и ќе се појави екранот за креирање сметка.
- Внесете го вашето име, електронската адреса (email address) или телефонскиот број и датумот на раѓање, што ќе ви помогне да ја заштитите вашата X сметка.
- X ќе ви понуди да го приспособи вашето искуство со следење на историјата на пребарување на интернет. Таа опција може да ја исклучите заради поголема приватност.
- Следете ги чекорите за регистрација и апликацијата X ќе ви испрати код на вашата назначена електронска адреса. Внесете го овој код за да ја регистрирате вашата сметка.
- Кога ќе биде побарано да креирате лозинка (password), погрижете се да изберете силна лозинка што вам ви е лесна за паметење, но тешка за другите да ја погодат, и која вклучува комбинација од големи и мали букви и броеви.
- Откако ќе поставите лозинка, вашата X сметка е подготвена за употреба, но апликацијата ќе побара уште неколку работи за да ви помогне да започнете.
- Имате опција да вклучите слика на профил или да ја користите камерата на вашиот мобилен телефон за да направите самослик (selfie).
- X ќе праша Што ве интересира? и ќе прикаже список на теми. Ќе треба да изберете неколку теми пред да можете да заминете од тој екран.
- Ќе видите список на X корисници кои би можеле да бидат релевантни за темите што ве интересираат. Некои од нив се можеби познати личности, а други се обични луѓе.
- Допрете го секој што сакате да го следите, но тој чекор не е задолжителен.
- Апликацијата X ќе понуди да пронајде пријатели кои исто така го користат X преку прегледување на вашата листа на контакти и ќе се обиде да ги поврзе вашите контакти со корисници на X.
Кога ја поставувате вашата сметка, апликацијата X ќе понуди неколку функции што бараат дозвола за користење на други функции на вашиот мобилен уред, како што се камерата или вашата листа на контакти. Овие функции се по избор и не треба на X да му давате дополнителен пристап до вашиот уред. Ако некоја од овие работи не ви е пријатна, на пример пристапот на апликацијата до вашата листа на контакти, можете безбедно да одбиете да ја користите функцијата.
Контролирање на вашите поставки за приватност на X
На апликацијата и веб-страницата X може да им се даде дозвола да го следат вашето користење на интернет, за да можете да добиете поперсонализирано искуство кога користите X. Ако X ја следи вашата онлајн активност, може да видите повеќе реклами за работи што ве интересираат. Безбедно е да му дозволите на X да ја следи вашата онлајн активност, а можете да ги користите опциите Settings and privacy (Поставки и приватност) за да контролирате колку пристап апликацијата има и што ќе следи. Важни категории за истражување вклучуваат:
- Приватност и безбедност
- Заштитете ги вашите објави (posts)
- Означување (tagging) на фотографии
- Исклучување на известувања (muting) и блокирање на сметки
- Видливост на профил (discoverability) и контакти
- Споделување податоци и персонализација
Ставање објава на X
X служи за објавување кратки информации со должина до 280 букви и знаци. Тоа може да го направите од почетниот екран:
- Допрете го симболот Post (Објава) во долниот десен агол од екранот.
- Внесете ја вашата објава во полето за текст What’s happening? (Што се случува?). Можете да внесете фотографија, видео, анкета и вашата локација со допирање на еден од симболите под полето за текст.
- Изберете дали секој може да одговара на вашата објава или ограничете го тоа на луѓето кои ве следат.
- Допрете Post (Објава) за да ја објавите објавата. Луѓето ќе можат веднаш да ја читаат, да гледаат видеа и да коментираат за објавата.
- Откако објавата ќе биде објавена, можете да изберете да ја избришете, но не можете да ја менувате (edit).
- Наместо објава што ја гледаат сите, може да испратите Direct Message (директна порака) до одреден X корисник со допирање на пликот во долниот десен агол од екранот, а потоа да го побарате корисникот.
- Внесете ја вашата директна порака и притиснете Send (Испрати). Само тој корисник ќе ја види пораката, но тој/таа секако може да го пренесе тоа што го кажувате на некој друг или да го копира во X објава.