Андроид таблет: поврзување со Wi-Fi и разгледување на мрежните поставки

Овој краток водич е референтна алатка која ќе ви помогне да го освежите вашето знаење или да го вежбате она што сте го научиле на онлајн курсот Андроид таблет: Поврзување со Wi-Fi и разгледување на мрежните поставки, вклучувајќи:

како да го поврзете вашиот таблет со Wi-Fi мрежа
како да проверите дали вашиот таблет е поврзан на Wi-Fi
како да ја проверите јачината на Wi-Fi конекцијата
сè за Bluetooth и Flight Mode поставките.

Пред да започнете

Андроид таблетот што се користи во демонстрациите на овој курс можеби не е ист како вашиот, но менијата и чекорите би требало да се слични.

Како да го проверите статусот на Wi-Fi на вашиот Андроид таблет

За да проверите дали вашиот таблет е веќе поврзан со Wi-Fi мрежа:

Погледнете го горниот десен агол на екранот. Ако можете да го видите симболот за Wi-Fi, таблетот е поврзан со Wi-Fi.
Ако симболот покажува три полни заоблени линии или целосен сегмент од круг, тоа значи дека имате врска со целосна јачина.
Ако има само една или две криви линии, или сегментот на кругот е само делумен или речиси целосно празен, врската е послаба.
Послабата врска може да предизвика видеата да не се прикажуваат непречено или да треба долго време да се појават некои интернет содржини.
Може да се обидете да добиете посилна врска со приближување до вашиот домашен Wi-Fi рутер.
Ако не можете да видите ниту еден симбол за Wi-Fi, тоа значи дека треба да го поврзете таблетот со Wi-Fi мрежа за да користите интернет.

Како да се поврзете на Wi-Fi мрежа

Wi-Fi е дел од поставките за поврзување Connections на таблетот, кои можете да ги најдете во Settings app (апликација за поставки):

Во Settings app, пронајдете Connections во менито на левата страна и допрете за да видите екран со опции.
Најгоре, проверете дали прекинувачот за Wi-Fi е вклучен, така што Wi-Fi е активиран и подготвен за поврзување.
Допрете на Wi-Fi за да видите листа на достапни Wi-Fi мрежи. Може да има неколку мрежи, вклучувајќи ги и мрежите на вашите соседи.
Секоја мрежа со „катанец“ до неа бара лозинка за поврзување.
Најдете го вашето домашно Wi-Fi, тоа обично е на врвот на листата и допрете го.
Внесете ја лозинката и не заборавајте точно да ги внесете големите и малите букви.
Изберете Auto reconnect, за Wi-Fi да се поврзува секогаш кога ќе го „разбудите“ или вклучите таблетот.
Допрете на Connect кога сте подготвени.

За некои бесплатни јавни Wi-Fi мрежи не е потребна лозинка, па затоа не се безбедни. Не треба да користите јавен Wi-Fi за онлајн банкарство и други работи што ги вклучуваат вашите лични податоци, дури и ако мрежата бара лозинка.

Како да „заборавите“ Wi-Fi конекција

Ако изберете Auto reconnect за Wi-Fi мрежа, вашиот таблет секогаш ќе се обидува да се поврзе со неа кога мрежата е во домет. Можете да го спречите ова со тоа што ќе побарате таблетот да ја „заборави“ Wi-Fi мрежата:

Во Settings app, под Connections, допрете на Wi-Fi.
Најдете го името на мрежата под Current network.
Допрете го запченикот за да видите некои опции, вклучително и иконата Bin (корпа) на дното на екранот.
Допрете го зборот Forget до корпата и таблетот ќе се исклучи од мрежата.
Ако сакате повторно да се поврзете, ќе треба да ја изберете мрежата од листата и повторно да ја внесете нејзината лозинка.

Користење Quick Settings (Брзи поставки) за Wi-Fi, Bluetooth и Flight Mode

Можете брзо да ги вклучувате и исклучувате врските на таблетот со помош на Quick Settings. Повлечете со прст надолу од горниот дел на екранот за да ги видите иконите за Quick Settings:

Допрете ја секоја икона за брзо да ја вклучите или исклучуте поставката.
Поставката Wi-Fi ви овозможува брзо да го исклучите Wi-Fi и да го исклучите вашиот таблет од интернет. Вклучете го повторно за повторно да се поврзете.
Bluetooth ви овозможува да поврзувате работи, како што се безжични слушалки.
Flight Mode изгледа како авион и ако го вклучите, сите конекции со таблетот се исклучуваат. Ова е корисно при полетување или слетување за време на патување со авион, но и ако не сакате да ве вознемируваат известувања или не сакате да користите интернет.