Што е апликација?
Овој краток водич е референтна алатка која ќе ви помогне да го освежите вашето знаење или да го вежбате она што сте го научиле во курсот Што е апликација?, вклучувајќи:
- што е апликација и како таа работи на вашиот уред
- зошто официјалната продавница за апликации за вашиот уред е најбезбедното место за преземање апликации
- како да изберете апликации на вашиот уред, како да управувате со нив и како да ги организирате.
Што прават апликациите?
Апликациите се мали програми што работат на вашиот уред и му даваат дополнителна функционалност:
- Апликацијата може да ви овозможи да разменувате пораки во група, да гледате ТВ емисии и филмови, таа може да дава информации за состојбата на сообраќајот и временските прилики или да ви помогне да идентификувате растение.
- Некои апликации доаѓаат со вашиот уред, додека повеќето треба да се преземат од официјална продавница за апликации.
- Некои апликации користат интернет, затоа погрижете се да го имате уредот поврзан на домашниот Wi-Fi ако сакате да заштедите на вашиот план за мобилни податоци.
Безбедно преземање апликации
Најбезбедно место за добивање нови апликации за вашиот уред е преку официјалната продавница за апликации на тој уред. Оваа продавница е претходно инсталирана на вашиот уред и можете да пристапите до неа преку нејзината икона:
- Уредите со Андроид може да добиваат апликации од Google Play Store.
- Уредите на Apple може да добиваат апликации од App Store.
- Некои уреди со Андроид имаат дополнителна продавница на производителот на уредот, како што е Samsung Galaxy Store.
- Многу апликации се бесплатни, но за некои треба да се плати, со еднократно плаќање или преку месечна претплата.
- Кога користите официјална продавница за апликации, вашите податоци за плаќањето се чуваат безбедни во вашата Сметка на Apple (Apple Account) или Сметката на Google (Google Account).
- Можете да платите со кредитна картичка, дебитна картичка или ваучери купени од супермаркет или друга продавница.
- Кога апликацијата бара дозвола за пристап до личните податоци, давајте дозвола само за работи што се соодветни за апликацијата и само кога ја користите апликацијата.
Избирање на апликации за вашиот уред
Пред да преземете и инсталирате апликација, проверете ги следниве работи за да бидете сигурни дека апликацијата е легитимна:
- Проверете дали програмерот (или креаторот) на апликацијата е нешто што го очекувате.
- Прочитајте многу мислења за апликацијата од корисниците, за да видите дали тие ѝ даваат разумна оценка.
- Запомнете дека корисниците кои даваат мислења се аматери и можеби нема да ви кажат колку е безбедна апликацијата.
- Користете го вашиот прелистувач за да пребарувате мислења за апликацијата онлајн и списоци со најдобри апликации од тој тип.
- Пребарувајте ја официјалната продавница за апликации според вашите интереси.
Кога пребарувате во официјалната продавница за апликации, првите три резултати може да бидат означени како Sponsored (спонзорирани) или Ad (реклами). Ова значи дека платиле за да се појавуваат на врвот на пребарувањата, па можеби не се најдобрите апликации.
Управување со апликации и нивно организирање
Вашиот уред често остава апликациите да работат во заднина што може да ви ја потроши батеријата и може да споделува податоци кога не сте свесни дека тоа се случува. За да ги видите апликациите што работат или „спијат“ во заднина:
- На уредите со Андроид, допрете го копчето Apps или повлечете со прст нагоре од дното на екранот и застанете на средината.
- На уредите на Apple, повлечете со прст нагоре од дното на екранот и застанете на средината.
- Ќе се појават некои картички, прикажувајќи ги моментално активните или „заспаните“ апликации.
- Повлечете со прстот лево и десно за да видите повеќе картички.
- За целосно да ја затворите апликацијата, ставете го прстот на нејзината картичка и потоа повлечете нагоре додека ја снема.
- Стандардно, вашите апликации автоматски ќе се ажурираат во заднина за да се осигура дека ќе бидат безбедни и понекогаш ќе ви даваат нови функции.
- Можете да најдете опции за ажурирања на апликации во Settings app (апликација за поставки) на вашиот уред.
- Кога ќе се инсталира нова апликација, на почетниот екран ќе се појави икона. Можеби ќе треба да повлечете лево или десно со прстот за да ја видите.
- Уредите со Андроид имаат App screen (екран со апликации) што ги прикажува сите икони на апликациите и можете таму да ја побарате новата апликација.
- Уредите на Apple имаат App Library (библиотека со апликации) до која можете да пристапите со повлекување со прстот надесно додека таа не се појави. Тука можете да барате апликации.
- Може да групирате апликации во папки со влечење икони една врз друга.
- Апликациите испраќаат известувања кои понекогаш се досадни. Можете да ги контролирате овие известувања во делот Notifications на Settings app.
- Кога веќе нема да бидете заинтересирани за апликацијата или повеќе не ја користите, најбезбедно е целосно да ја избришете од вашиот уред.
- Може да разгледате во Settings app на вашиот уред за тоа како да бришете апликации.