Разгледување на Google Earth

Овој краток водич е референтна алатка што ќе ви помогне да го освежите знаењето или да го вежбате она што сте го научиле на онлајн курсот „Разгледување на Google Earth (Exploring Google Earth)“, вклучувајќи:

како да пристапите до Google Earth на вашиот компјутер
како да се движите низ Google Earth користејќи различни контроли.

Што е Google Earth?

Google Earth е интерактивен дигитален глобус и атлас што ви овозможува да ја истражувате целата планета:

Google Earth е составен со користење на неодамнешни сателитски снимки и фотографии од воздух.
Зумирајте за подетален поглед на некоја земја или зумирајте град или поединечна адреса на улица.
Google Earth е различен од Google Maps, кој е повеќе личи на интерактивен уличен водич.

Започнување со Google Earth

Google Earth е бесплатен за користење и може да се користи на компјутер или на мобилен уред. Примерите во овој курс се на компјутер.

Google Earth работи на повеќето веб-прелистувачи (web browsers), вклучувајќи ги Microsoft Edge, Apple Safari и Google Chrome.
За да користите Google Earth на вашиот компјутер или мобилен уред, внесете https://earth.google.com во вашиот прелистувач (browser).
Google Earth може да го користите и на мобилен уред преземајќи ја апликацијата Google Earth од официјалниот склад на апликации (app store) на вашиот уред.
Додека користите Google Earth потребна е интернет врска. Колку е побрза интернет врската, толку понепречено Google Earth ќе работи.
Почнувајќи со поглед на Земјата од вселената, во лентата за пребарување (Search bar) може да побарате место што ве интересира или адреса на улица.
Кликнете за да го завртите глобусот и кликнете на која било локација за да се спуштите за подобар поглед.

Најдете се себеси на Google Earth

Google Earth започнува со поглед на целата земјина топка и ви овозможува да зумирате директно на поединечни улични адреси и обележја:

Стандардно, мапите вклучуваат граници, патишта и имиња на места, но можете да изберете чист поглед на светот или да додадете дополнителни детали како што е јавниот превоз.
Користете ги контролите + / – или тркалото на глувчето за да зумирате или одзумирате. Кликнете и влечете го глобусот или мапата за да ја промените локацијата.
Кликнете на копчето 2D/3D за да ја навалите мапата подалеку од вас и да направите тридимензионален поглед на светот, со планини и долини. Некои градови имаат и тридимензионални згради.
Внесете ја вашата адреса во лентата за пребарување (search bar) на горниот дел од екранот, за да ја зумирате мапата до вашата улица.
Кликнете или допрете го симболот Target (Цел) за да зумирате до вашата моментална локација. Можеби ќе треба да му дадете дозвола на вашиот компјутер тоа да го сподели со Google Earth.

Кога користите Google Earth, гледате неодамнешни фотографии од воздух и на ниво на почва, а не слики во реално време. Тоа значи дека луѓето не можат да го користат Google Earth за да ве шпионираат.

Проверете го Street View

Google Earth исто така ви овозможува поглед од 360 степени од нивото на земјата со користење на функцијата Street View (уличен поглед). Ова ви помага да истражувате како навистина да сте таму шетајќи по улиците:

Кога ќе ја повлечете ознаката Street View (уличен поглед) на мапата, ќе видите сини линии по должината на патиштата каде што е достапен Street View.
Кликнете било каде на сината линија за да го видите погледот од ниво на земја. Користете го глувчето за зумирање или држете и влечете за да се свртите на самото место.
Кликнете на белите стрелки за да се движите нагоре и надолу по улицата.
Кликнете на копчето Back (назад) во горниот лев агол од екранот за да се вратите на поглед одозгора.
Како и сателитските и фотографиите одозгора, сликите од Street View се ажурираат редовно, па затоа вреди да се вратите за уште еднаш да ги погледнете.

Наоѓање места со посебно значење за вас

Google Earth ви овозможува да патувате низ спомените, за да ги пронајдете тие посебни места во вашиот живот, без разлика дали се на другата страна од градот или на другата страна од светот.

Кликнете на Search bar (лентата за пребарување) на горниот дел од екранот и побарајте точна адреса, населба или град, земја, па дури и обележје или славно место.
Додека пишувате, Google Earth ќе дава предлози. Можете да кликнете на предлог наместо да го напишете целото прашање.
Обидете се да пребарувате места од вашето минато - на пример, места каде што сте пораснале или каде што првпат сте работеле.
Не заборавајте да го користите Street View за подетален поглед на тоа како се променило некое старо маало.

Додавање и зачувување на ознаки за места (placemarks)

Додавањето омилени локации во Google Earth го олеснува нивното брзо и лесно посетување во иднина:

Кликнете на ознаката Add placemark (додај ознака за место) во горното мени, за да го претворите покажувачот на глувчето (mouse pointer) во сликичка за ознака за место.
Кликнете на мапата каде што сакате да ја зачувате вашата локација.
Google Earth ќе ве праша како сакате да го зачувате означеното место. Најдобрата опција е Drive project. Ова бара да бидете најавени на Google Drive.
Ако не сте најавени или немате Google Drive, може да притиснете OK и да ги следите чекорите или да притиснете Cancel за да не го зачувате означеното место.