Google Earth - повеќе од мапа

Овој краток водич е референтна алатка што ќе ви помогне да го освежите знаењето или да го вежбате она што сте го научиле во онлајн курсот „Google Earth - повеќе од мапа“, вклучувајќи:

како да се снаоѓате низ Google Earth и да ја контролирате мапата
како да додадете дополнителни детали на мапите и да видите фотографии од патувања на други луѓе
истражување за вашиот следен одмор и патување низ светот користејќи Street View (уличен поглед).

Користење на горното мени

Горното мени ви ги нуди моќните функции на Google Earth на дофат на раката:

Контролните копчиња на мапата во долниот десен агол на екранот го олеснуваат насочувањето.
Копчињата + и – ви овозможуваат да зумирате и одзумирате за да видите повеќе или помалку детали, а потоа можете да кликнете и да ја влечете мапата со глувчето за да се движите наоколу.
Горното мени ги вклучува лентата за пребарување (Search), симболот за ознака за место (Placemark) и симболот за растојание Measure (Мерење).
Копчето Слоеви (Layers) во долниот лев агол ви овозможува да додавате или отстранувате детали на мапата. Можете да пристапите до слоевите и преку горното мени, со кликнување на View (Поглед), а потоа на Layers (Слоеви).
Менито „Слоеви“ ви овозможува да додавате тридимензионални згради, фотографии и слики од различни временски периоди (timelapse imagery).
Кога пребарувате, Google Earth се лизга до дестинацијата. Можете да ја исклучите анимацијата на летот во Settings (Поставки) за да се приближите до некоја локација. Кликнете на Tools (Алатки) во горното мени, потоа на Settings (Поставки).
Кликнете на File (Датотека), а потоа на New Drive Project. Тоа ви овозможува да зачувувате локации како Placemarks (ознаки за места) и да прегледувате слајдови или дури да вклучите ваши фотографии и да ги споделувате со други луѓе.
Алатката за мерење (Measure) ви овозможува да го пресметате растојанието помеѓу локации. Кликнете на симболот, а потоа кликнете на мапата за да измерите.

Додајте видови на мапи и фотографии

Опциите за дополнителни слоеви (Additional Layers) и за фотографии (Photo) додаваат многу повеќе детали на мапите, за да ви помогнат да учите за светот:

Кликнете на копчето Layers (Слоеви) за да го видите појавното мени Layers.
Стандардно, Google Earth го прикажува приказот за истражување (Exploration view). Тоа ги вклучува границите, имињата на местата и главните патишта.
Командата Everything (Сè) додава јавен превоз, знаменитости и друго. Приказот Clean (чист поглед) ги отстранува сите информации.
Опцијата Custom (приспособено) ви овозможува да вклучувате и исклучувате одредени работи. Кликнете на Custom за да видите листа.
Многу опции на листата имаат стрелка од левата страна. Кликнете на стрелката за да видите уште повеќе опции.
Ресетирајте ги сите опции со враќање на приказот Exploration (истражување).
Разгледувајте низ менито Layers (слоеви) додека не видите Additional layers (дополнителни слоеви).
Вклучете Photos (фотографии) за да видите фотографии што други ги поставиле на Google Earth.
Кога функцијата „Photos“ е овозможена, ќе видите многу бели кругови со минијатури од фотографиите прикачени од таа локација.
Кликнете на сликичка и можете да ја видите целата колекција фотографии од тоа место. Можете да ги прелистувате како слајдови.
Притиснете Escape на тастатурата за да ги затворите фотографиите.

Активирањето на „Photos“ може да го забави Google Earth, особено ако користите бавен компјутер со бавна интернет врска. Добра идеја е функцијата „Photos“ да не ја оставате вклучена цело време.

Направете виртуелно патување

Google Earth може да го користите за виртуелно патување, летајќи до одредена дестинација, а потоа гледајќи ја одблизу со Street View (уличен поглед). Следете ги чекорите во овој пример за да направите обиколка на Париз:

Побарајте ја Ајфеловата кула во лентата за пребарување (Search bar) на горниот дел од екранот.
Google Earth ќе се движи и ќе зумира сè додека не видите поглед одозгора на Ајфеловата кула.
Кликнете на копчето 2D/3D за да видите тридимензионален поглед на областа околу Ајфеловата кула. Стандардно, Google Earth го има вклучено тридимензионалниот поглед на згради, па затоа треба да видите тридимензионална верзија на кулата и на околните згради.
Користете го копчето Layers (слоеви) за да ги вклучите зградите тридимензионално, ако не можете да ги видите.
Додека менито „Layers“ е отворено, можете да ја вклучите функцијата „Photos“ за да гледате туристички фотографии направени од долниот дел на Ајфеловата кула, како и погледи од врвот.
Погледнете околу Ајфеловата кула за да ги видите точките од интерес (POIs) на мапата. Кликнете на која било точка за да ја посетите.
Користете Street View (уличен поглед) за да се прошетате низ Париз, со кликнување и влечење на симболот на човечка фигура на мапата.
Сините линии покажуваат каде е достапен „Street View“, а ова вклучува и некои долж реката Сена.
Кликнете на која било сина линија на реката за да направите обиколка со брод. Кликнете и влечете го глувчето за да разгледате наоколу и кликнете на белите стрелки за да се движите по реката.
Кликнете на копчето Back (Назад) во горниот лев агол од екранот за да се вратите на приказот на мапата и да го продолжите патувањето низ виртуелниот свет.
Барајте друга локација за да отидете таму. Следна станица... Токио?