Повеќе од Google Earth

Овој краток водич е референтна алатка што ќе ви помогне да го освежите знаењето или да го вежбате она што сте го научиле на онлајн курсот „Повеќе од Google Earth“ (Beyond Google Earth), вклучувајќи:

како да користите Google Arts & Culture за бесплатно да посетите неверојатни музеи и уметнички галерии
како да се доближите до познати уметнички дела
како да направите обиколка со Google Earth.

Обиколка со Google Earth

Google Earth има посебна страница полна со тури што може да ги посетите, кои вклучуваат панорами од 360 степени и интерактивни мапи:

Посетете ја страницата https://www.google.com/earth/about/gallery за да ја видите почетната страница на турата.
Кликнете на која било тура за да го стартувате Google Earth во нов таб во веб-прелистувачот (web browser).
Секоја тура е серија од места на застанување или ознаки за места (placemarks). За да отидете на следната ознака за место, кликнете на стрелката лево или десно на дното од екранот.
Кликнете на Содржина (Table of contents) за да ги видите сите ознаки за место одеднаш. Можете да прескокнете напред во турата или да се вратите назад.
За да изберете друга тура, затворете го табот од прелистувачот (browser tab) и вратете се на табот каде што е отворена страницата Take a Tour in Google Earth (Направи тура со Google Earth).
За некои тури се прикажуваат информации и фотографии покрај мапа, а за други се користи Street View (уличен поглед). Користете го глувчето за да се движите низ мапата или да го ротирате уличниот поглед (Street View).
Има многу тури од кои можете да изберете, вклучувајќи хронологии (timelapses) како некој град расте, светот ноќе, дневни мерења на квалитетот на воздухот и многу друго.

Обиколка со Google Earth може да направите на „паметни“ телефони, но користењето на најголемиот екран што го имате на располагање ќе ви помогне да го извлечете максимумот од прикажаните прекрасни слики и информации.

Google Arts & Culture

Google Arts & Culture ве носи низ целиот свет за вистински да нурнете во најголемите уметнички и културни богатства во светот. Google Arts & Culture работи со кој било прелистувач (browser):

За да започнете, посетете ја страницата https://artsandculture.google.com.
Пребарувајте (scroll) ја почетната страница за да најдете нешто што ве интересира и кликнете за да го отворите.
Најгорното мени содржи дополнителни опции што ќе ви помогнат да откриете одлична содржина.
Explore (истражете) ги покажува најважните работи и категории, како што се историски настани (Historic Events), уметнички движења (Art Movements) и колекции (Collections).
Nearby (во близина) ја користи вашата локација за да прикаже атракции што не се далеку од местото каде што живеете. Можеби ќе треба да дадете дозвола вашиот веб-прелистувач да ја користи вашата локација.
Кликнете на лупата во најгорното мени за да започнете пребарување.
Разгледувајте низ страниците на Google Arts & Culture со пребарување или кликнување на стрелките за да се движите низ слајдови, слики и мапи.
Побарајте препораки за други работи што може да ги истражите, кои обично се наоѓаат на дното од страницата.
Google постојано додава нови работи во Google Arts & Culture, но некои ставки се трајни. Разгледувајте висококвалитетни слики од познати уметнички дела што ви овозможуваат да се приближите доволно за да видите поединечни потези со четка или шетајте низ познати галерии користејќи ја технологијата Street View (уличен поглед) на Google.