Како да блокирате електронска пошта (email) во Yahoo Mail

Ова кратко упатство е референтна алатка што ќе ви помогне да го освежите знаењето или да го вежбате она што сте го научиле на онлајн видео курсот „Како да блокирате е-пошта во Yahoo Mail“ (How to block an email in Yahoo mail).

За Yahoo mail

Можете да ја користите вашата апликација за веб-пошта на Yahoo за да блокирате несакани електронски пораки од некој испраќач.

Блокирањето на несакани електронски пораки помага да го одржите вашето сандаче средено и само за пораки што ви се важни.

Следниот пример користи Yahoo Mail во прелистувачот (browser) Chrome на компјутер. Чекорите се слични како на мобилен уред.

За да ја отворите пораката, во дојдовното сандаче (Inbox) кликнете на електронска порака од испраќачот кој сакате да го блокирате.
Кликнете на менито More (Повеќе) во горниот десен агол. Toa изгледа како три хоризонтално поставени точки.
Од листата што се отвора надолу (dropdown list), кликнете на Block senders (Блокирај испраќачи).
Ќе се појави квадрат со електронската адреса на испраќачот. Кликнете на копчето OK за да ги избришете постоечките електронски пораки и да ги блокирате сите идни пораки од испраќачот.
Yahoo ќе ја отстрани електронската пошта од вашето сандаче и идните пораки од тој испраќач автоматски ќе ги праќа во вашата папка Junk (несакана пошта).