Како да користите AirDrop на iPhone
Овој краток водич е референтна алатка што ќе ви помогне да го освежите знаењето или да го вежбате она што сте го научиле на онлајн видео курсот „Како да користите AirDrop на iPhone“ (How to use AirDrop on an iPhone).
Што е AirDrop?
AirDrop ви овозможува безжично и безбедно споделување фотографии, видеа, контакти, веб-врски и датотеки помеѓу Apple уреди кои се во непосредна близина еден со друг.
Поставување
Пред да можете да користите AirDrop, Apple уредите со кои споделувате мора да имаат вклучено Wi-Fi и Bluetooth. За да добиете фотографија преку AirDrop, екранот на телефонот на вашиот пријател мора да биде вклучен. За да проверите:
- Од почетниот екран Home допрете Settings (Поставки).
- Опцијата Wi-Fi треба да го прикаже името на мрежата на која е поврзан вашиот телефон, а опцијата Bluetooth треба да биде On (вклучена).
Двата уреда мора да имаат дозвола за испраќање и примање датотеки (files) преку AirDrop. На Settings (Поставки) допрете на General (Општо), а потоа допрете на AirDrop за да ги видите опциите:
- Receiving Off (Приемот исклучен): нема да примате датотеки преку AirDrop
- Contacts Only (Само контакти): можете да испраќате и примате датотеки со луѓето од вашата листа на контакти
- Everyone (Секој): можете да испраќате и примате датотеки со секого во рок од 10 минути.
Чекор по чекор
За да споделите фотографија од вашиот телефон со друг iPhone:
- На почетниот екран Home допрете ја апликацијата Photos (Фотографии).
- Допрете ја фотографијата што сакате да ја споделите, за да ја изберете.
- Допрете го симболот Share (Сподели) за да ги видите опциите.
- Допрете го симболот AirDrop.
- Кога името на телефонот на вашиот пријател ќе се појави под Other Devices (Други уреди), допрете го за да ја споделите фотографијата.
- На телефонот на вашиот пријател ќе се појави опцијата Accept (Прифати) или Decline (Отфрли) ја фотографијата. Откако ќе биде прифатена, фотографијата ќе се покаже на телефонот на пријателот и ќе биде зачувана во апликацијата Photos (Фотографии).