Како да поврзете уред со Android телефон преку Bluetooth
Овој краток водич е референтна алатка што ќе ви помогне да го освежите знаењето или да го вежбате она што сте го научиле на онлајн видео курсот „Како да поврзете уред со вашиот Android телефон преку Bluetooth“ (How to connect a device to your Android phone via Bluetooth).
Чекор по чекор
Вашиот Android телефон може да го наместите безжично да репродуцира музика на Bluetooth уред, како што се слушалки, звучник, телевизор или аудио-системот на вашиот автомобил, следејќи ги следните чекори:
- Од почетниот екран Home, повлечете нагоре за да го отворите екранот со апликации.
- Допрете ја апликацијата Settings (Поставки).
- Допрете Connections (Врски) на горниот дел од екранот.
- До Bluetooth, допрете го прекинувачот за да го вклучите Bluetooth и да го отворите екранот за Bluetooth.
- За да поврзете Bluetooth уред со вашиот телефон, уредот мора да биде во pairing mode (режим на спарување) или во discovery mode (режим на откривање). За да започнете со спарување, следете ги упатствата на вашиот уред, а потоа допрете Scan (Скенирај) на вашиот телефон.
- Откако телефонот ќе го пронајде вашиот уред, неговото име ќе се појави под Available devices (Достапни уреди).
- Допрете го името на уредот за безжично да го поврзете со вашиот телефон, а потоа допрете Pair (Спари).
- Откако името на уредот ќе се појави под Paired devices (Спарени уреди), тој е подготвен за употреба на вашиот телефон.