Печати

Поставување на апликацијата Medicare Express Plus

Овој краток водич е референтна алатка што ќе ви помогне да го освежите знаењето или да го вежбате она што сте го научиле на онлајн видео курсот „Поставување на апликацијата Medicare Express Plus“ (Setting up the Medicare Express Plus app), вклучувајќи:

  • како да се најавите (sign in) за прв пат со деталите за вашата myGov сметка
  • како да поставите и користите myGov PIN за безбеден пристап.

Започнување со апликацијата Medicare

Пред да ја поставите апликацијата Medicare, проверете дали:

  • имате отворено сметка на myGov
  • вашата myGov сметка е поврзана со Medicare преку веб-страницата на myGov
  • имате активна SIM картичка на вашиот мобилен телефон и мобилна мрежа, за да добиете безбедносен код
  • апликацијата Medicare Express Plus е инсталирана на вашиот мобилен телефон.

Оваа демонстрација користи Android телефон, а чекорите се слични на iPhone.

Најава (ѕign in) на апликацијата Medicare

Најавување за прв пат

Првиот пат кога ќе се најавите во апликацијата Medicare, ќе ви бидат потребни деталите на вашата сметка на myGov.

  1. Од почетниот екран, повлечете со прстот нагоре по екранот за да го отворите Apps screen (екранот со апликации).
  2. Допрете го симболот на Medicare за да ја отворите апликацијата.
  3. Првиот пат кога ќе ја отворите апликацијата, ќе видите екран за добредојде. Прочитајте ги информациите, а потоа допрете Next (Следно) за да продолжите.
  4. На следниот екран ќе видите што ви е потребно за да ја користите апликацијата, вклучувајќи:
    • поврзување на myGov сметка со Medicare
    • поврзување на апликацијата со myGov сметка
    • myGov PIN.
  5. Допрете Finish (Заврши) на дното за да продолжите до Sign-in screen (екранот за најавување), а потоа допрете го зеленото копче Sign in (Најавување).
  6. Прочитајте ги информациите за Terms of use (Услови за користење) и кога ќе бидете задоволни, допрете I agree (Се согласувам).
  7. Потоа, допрете го синото копче Sign in with myGov (Најави се со myGov)
  8. Внесете го вашето username (корисничко име) и password (лозинка) за myGov, а потоа допрете Sign in (Најави се).
  9. Заради безбедност, на вашиот мобилен телефон ќе биде испратен код преку текстуална порака. Откако ќе го добиете кодот, внесете го во полето и допрете Next (Следно).
Ако не се согласувате со нешто во Terms of use (Услови за користење) на апликацијата Medicare, може да ја затворите апликацијата. Апликацијата сè уште не е поврзана со вашите податоци во myGov или Medicare, и безбедно е да ја избришете.

Поставување и користење на myGov PIN

По првото најавување, апликацијата Medicare ќе ги запомни вашето корисничко име и лозинка од myGov, така што нема да треба повторно да ги внесувате секој пат. Наместо тоа, можете да го користите вашиот myGov PIN.

  1. Ако веќе сте поставиле myGov PIN на веб-страницата на myGov, апликацијата ќе побара да го внесете сега.
  2. Доколку немате myGov PIN, следете ги упатствата на екранот за да го креирате.
  3. Внесете го PIN-от и допрете Next (Следно), внесете го повторно и допрете Confirm (Потврди). Ќе се појави главното мени на апликацијата Medicare.
  4. За да го тестирате вашиот myGov PIN, притиснете го копчето Back (Назад) и допрете Yes (Да) за да се одјавите од апликацијата Medicare.
  5. Ќе се појави екранот Welcome back (Добредојдовте назад) кој ќе го прикаже вашето име, со зелено копче Sign in as yourself (Најави се како ти самиот/самата) на дното. Допрете на него.
  6. Внесете го вашиот myGov PIN во полињата и допрете Sign in (Најави се).
  7. Ќе се појави главниот екран на апликацијата и таа сега е подготвена за употреба.
Кога избирате MyGov PIN, избегнувајте броеви што лесно се претпоставуваат, како што е вашиот датум на раѓање. Изберете PIN кој е безбеден и лесен за памтење.
beconnected.esafety.gov.au